അക്ഷരം വിതച്ചു ഞാനാനന്ദം കൊയ്യുന്നു
അക്ഷരം പെയ്തെന്റെ കണ്ണും നനഞ്ഞു!
അക്ഷരം പെറ്റ പ്രണയവും കണ്ടു ഞാൻ...
അക്ഷരം വരച്ചിട്ട ചിത്രങ്ങൾക്കൊക്കെയും
ചിത്തത്തിലെന്തൊരു ചാരുതയെന്നോ!!!
അക്ഷരം പൂക്കുന്നെന്റെയക്ഷരം മുളയ്ക്കുന്നു!
അക്ഷരത്തിന്നു ശാഖികൾ വളരുന്നു,
അർത്ഥങ്ങളിൽ അനർത്ഥം പെരുകുന്നു.
അക്ഷരങ്ങൾ വിണ്ടുകീറുന്നുന്റെ
നെഞ്ചകം പോൽ പിന്നെ
പേടിയോടെ ചാർത്തിയ വള്ളിയും പുള്ളിയും
തടഞ്ഞു ഞാൻ വീണു പൊയ്...!
വിഡ്ഢിയെന്നാരോ എറിഞ്ഞക്ഷരം തറച്ചെന്റെ
കണ്ണുടഞ്ഞു പോയി,കറുത്തെന്റെയക്ഷരം!
- രമേഷ്. സി.പി